فەرزاد خادم كە نزیكی چوار ساڵ لەمەوپێش بە تۆمەتی كوشتنی بە ئەنقەست دەستبەسەر كرا و سزای سێدارەدانی بەسەردا سەپێنرابوو، بۆ ژووری تاكە كەسی بەندیخانەی ناوەندیی شاری سەقز گواستراوەتەوە و ئەگەری جێبەجێكردنی سزای سێدارەی ئەم بەندكراوە زۆرە.
بەپێی ڕاپۆرتی گەیشتوو بە ڕێكخراوی مافی هەنگاو، بەندكراوێكی خەڵكی شاری سەقز بە ناوی فەرزاد خادم كە پێشتر سزای سێدارەی بەسەردا سەپێندرابوو، بە مەبەستی جێبەجێكردنی سزاكەی بۆ ژووری تاكە كەسی بەندیخانەی ناوەندیی شاری سەقز گواستراوەتەوە.
سزای سێدارەی ئەم بەندكراوە لە ڕۆژانی داهاتوودا جێبەجێدەكرێت.
فەرزاد خادم ٢٧٢٠ بە تۆمەتی كوشتنی هاوڕێیەكی بە ناوی تیرداد ئاتەش ئەفروزی لەڕێگەی بەكارهێنانی چەك، دەستبەسەر كرا و لەلایەن دەزگای دادوەری كۆماری ئیسلامیی ئێرانەوە سزای سێدارەی بەسەردا سەپێنراوە.