شارپرێس
بەڕێوەبەرایەتی ئاسایشی پارێزگای سلێمانی رایدەگەیەنێت "تیرۆریستێکی
داواکراو، هەڵهاتوو لەدادگا دوای دووجار هەڵهاتنی لەدەست هێزە عیراقیەکانمان
دەستگیر کردووە" .
لە راگەیەنراوێکدا بەڕێوەبەرایەتی ئاسایشی پارێزگای سلێمانی دەڵێت
"لەسەر بنەمای بڕیاری دادگای دیالە بە تۆمەتی تیرۆر و رفاندنی هاووڵاتییەکی
مەسیحی بە ناوی (رەمسیس بطرس ) دانیشتووی بەغدا، تیرۆریست(عومەر وحید خەزرەجی ) لەلایەن هێزە
عیراقییەکان دەستگیردەکرێت و لەکاتی لێکۆڵینەوە لەگەڵیدا دووجار هەڵدێت و دواجار
خۆی دەگەیەنێتە سنووری سلێمانی".
ئاسایشی سلێمانی رایدەگەیەنێت "پاش گەیشتنی زانیاری بە
بەڕێوەبەرایەتی ئاسایشی سلێمانی، لەلایەن ئۆپراسیۆنی ئاسایشی سلێمانی لێکۆڵینەوەی
ورد لەسەر ئەم کەیسە کرا و زانیاری دروست لەسەر داواکراو دەستکەوت".
"دوای رەزامەندی سەرۆکی دەزگای ئاسایشی هەرێم و دادوەری
لێکۆڵینەوەی ئاسایشی سلێمانی، لەئۆپراسیۆنێکدا شەوی ٣٠ ی ١٢ ی ٢٠٢٢ بەهاوکاری بەڕێوەبەرایەتی
ئاسایشی شارەزوور، تیرۆریستی هەڵهاتوو لە یاسا پاش گەمارۆدانی و رووبەڕووبوونەوەی
لەگەڵ هێزەکانمان و هەوڵدان بۆ هەڵهاتن، توانرا دەستگیر بکرێت و رووبەڕووی دادگا بکرێتەوە"وەک
لە راگەیەنراوەکەدا هاتووە.